Naxçıvan Muxtar Respublikasındakı Heydər Əliyev Su Anbarı üzərində inşa edilmiş su elektrik stansiyası (SES) illik elektrik enerjisi istehsalının həcmini 2 dəfəyə yaxın artıraraq 7 milyon kVt/saat-dan 12 milyon kVt/saata çatdırmağı planlaşdırır.

Bunu "Sizinxeber.az"un yerli bürosuna açıqlamasında SES-in direktoru Tərxan Qafarov bildirib.

"2006-cı ildə bu SES-in inşası ilə regionda alternativ enerji dövrü başlayıb. 4,5 mVt gücündə olan bu obyekt kiçik kateqoriyalı stansiya hesab olunsa da, onun inşa olunmasını elektroenergetikanın bərpaolunan enerji mənbələri hesabına təmin edilməsi yönündə ilk tarixi addım adlandırmaq olar. Stansiya Naxçıvanın Nazirlər Kabineti ilə Türkiyənin “Cengiz İnşaat şirkəti-Aksoy Holdinq" ortaqlığı arasında imzalanmış 19 dekabr 2004-cü il tarixli müqaviləyə əsasən, tutumu 100 milyon kubmetr olan su anbarında quraşdırılıb", - deyə o qeyd edib.

"Stansiyada 2 ədəd hər birinin gücü 2 meqavat və 1 ədəd gücü 0,5 meqavat olan hidroturbinlər qoyulub. Stansiyada istehsal olunan enerjini 35 kV-luq “Şahbuz” elektrik verilişi xəttinə qoşmaq üçün qoyulmuş güc transformatorları, paylayıcı quruluşlar Türkiyə, turbin və generatorlar isə Fransa istehsalıdır. Stansiyanın layihəsi, quraşdırılması, sazlanması ilə əlaqədar görülən işlərin dəyəri tamamilə Naxçıvan MR Dövlət Energetika Xidmətinin elektrik enerjisi satışından topladığı vəsait hesabına ödənilib", - deyə o qeyd edib.

Oxşar xəbərlər

Azərbaycanın ümumi elektrik enerjisi istehsalı gücü 8,4 min MVt-ı ötüb

Naxçıvanda elektrik enerjisi istehsalının 55 %-i “yaşıl enerji”nin payına düşür

Pərviz Şahbazov: "Qarabağ və Şərqi Zəngəzurda tələbatdan artıq elektrik enerjisi istehsal olunur"

Pərviz Şahbazov: “BOEM üzrə layihələr emissiyaları illik 2,9 milyon tona qədər azalda bilər”

Naxçıvanda alternativ enerji mənbələrinin istehsal payı artıb