Avstraliyanın "Viridis Mining and Minerals" mədən şirkəti Braziliyanın Minas-Gerays ştatındakı "Colossus" mədənindən məhsul tədarük etmək üçün Avropa və ABŞ-dakı potensial alıcılarla əvvəlcədən danışıqlar aparır.

"Report"un "Reuters"ə istinadən verdiyi məlumata görə, bu barədə şirkətin baş direktoru Rafael Moreno açıqlama verib.

Onun sözlərinə görə, Çin şirkətlərinin yüksək marağına baxmayaraq, "Viridis" yalnız Qərb alıcıları ilə işləmək niyyətindədir.

"Biz qərb marşrutu ilə getməyə çox erkən qərar verdik", - deyə Moreno bildirib və qeyd edib ki, təchizat zəncirlərinin şaxələndirilməsi şirkətə daha əlverişli şərtlər əldə etməyə imkan verəcək.

Cümə axşamı, 28 may tarixində "Viridis" şirkəti Poços de Kaldasda nadir torpaq metallarının tədqiqi və emalı mərkəzini açıb. Müəssisənin neodim və terbium da daxil olmaqla ilk qarışıq nadir torpaq karbonatını istehsal etməsi gözlənilir.

Oxşar xəbərlər

Britaniya Yaponiyaya nadir torpaq metalları tədarük edəcək

Rusiya və ABŞ nadir torpaq metalları üzrə danışıqlara başlayıb

Çin ABŞ-yə nadir torpaq metal tədarükünü bərpa etməyə razılaşıb

ABŞ Çinlə nadir torpaq metalları müqaviləsini qüvvədə olduğunu hesab edir

Ukrayna və ABŞ bu gün nadir torpaq metalları ilə bağlı saziş imzalaya bilər