Azərbaycanın təbii qazının Türkiyə vasitəsilə Suriyanın Hələb şəhərinə nəqli bölgə əhalisi tərəfindən böyük sevinc hisis ilə qarşılanıb.

“Report” xəbər verir ki, bu fikir Türkiyənin “Haber Global” telekanalının hazırladığı süjetdə yer alıb.

Qeyd edilir ki, Azərbaycan qazı Suriyaya ümid verir. Hələb sakinləri Azərbaycan qazını sevinclə qarşılayırlar. Hələbdə elektrik enerjisini nəqlində də problemlər mövcuddur. Lakin elektrik enerjisinin və təbii qazın nəqli bu ərazilərdə sakinlərin gələcəyə olan ümidlərini artırıb.

Sakinlər bildiriblər ki, əgər infratsruktur qurulsa, şəhərdə yaşayış səviyyəsi də yaxşılaşar, həyat əvvəlki səviyyəyə qayıdar.

“Hələb böyükdür, Suriyanın ikinci böyük sənaye şəhəridir. Orada mənim fabrikim var. Lakin işlədə bilmirəm. Çünki elektrik enerjisi yoxdur. Türkiyə bizə çox yardım etdi. İşimizi qurmağa, ailəmizi şəhərə qaytarmağa çalışırıq. Gündən-günə vəziyyət yaxşılaşır”, - sakinlərdən biri bildirib.

Qeyd olunur ki, Suriyaya ildə 2 milyard kub metr təbii qaz nəql olunacaq. Burada yaşayan sakinlər gələcəyə ümidlə baxırlar. Eyni zamanda Hələb və digər şəhərlər elektrik enerjisi ilə təchiz olunduqdan sonra burada həyat əvvəlki səviyyəsinə qayıdacaq.

Oxşar xəbərlər

Alparslan Bayraktar: "Suriyaya ixrac edilən Azərbaycan qazı 5 milyon evin elektrik təminatını qarşılayacaq"

AKP Azərbaycan qazının Suriyaya tədarükünü "enerji diplomatiyasının nümunəsi" adlandırıb

Dörd ölkə Azərbaycan qazının Suriyaya nəql olunması ilə bağlı birgə açıqlama yaydı

Ömer Çelik: Azərbaycan qazının nəqli Suriyada sosial həyatının bərpası baxımdan əhəmiyyətlidir

Azərbaycan qazının Suriyaya nəql olunma mərasimi keçirilib