Ukraynanın "Naftogaz" Şirkətlər Qrupu Azərbaycan Dövlət Neft Şirkətinin (SOCAR) qrupuna daxil olan “SOCAR Energy Ukraine” şirkəti ilə Azərbaycan təbii qazının alınması haqqında ilk müqaviləni imzalayıb.

Bu barədə “Sizinxeber.az” "Naftogaz"ın məlumatına istinadən xəbər verir.

Şirkətdən bildirilib ki, ilk dəfə olaraq Azərbaycan qazının Bolqarıstan-Rumıniya-Ukrayna dəhlizi üzərindən Transbalkan marşrutu ilə sınaq tədarükü həyata keçirilir.

"Bu, həcm baxımından kiçik, lakin strateji cəhətdən mühüm addımdır və uzunmüddətli əməkdaşlığa yol açır. Bu saziş, həmçinin tədarük mənbələrinin şaxələndirilməsi və Ukraynanın enerji təhlükəsizliyinin gücləndirilməsinin daha bir nümunəsidir", - "Naftogaz"ın baş direktoru Sergey Koretski sövdələşməni belə şərh edib.

"Göstərdikləri etimada görə Azərbaycandan olan həmkarlarımıza təşəkkür edirik", - o əlavə edib.

Oxşar xəbərlər

Ukrayna Transbalkan marşrutu üzrə ilk dəfə Azərbaycandan qaz almağa başlayıb

Ukrayna ilk dəfə Azərbaycandan qaz almağa başlayıb

SOCAR Xorvatiyaya qaz təchizatına başlayıb

Slovakiya Azərbaycanla qaz tədarükü üzrə uzunmüddətli əməkdaşlığı qiymətləndirir

“Geoplin” SOCAR ilə uzunmüddətli əməkdaşlığa ümid edir