Qazaxın bəzi kəndlərində qazın verilişi dayandırılıb

Qazaxın bəzi kəndlərində qazın verilişi dayandırılıb.

"Report"un Qərb bürosunun məlumatına görə, rayonunun Qaymaqlı, Birinci Şıxlı, İkinci Şıxlı, Kəmərli, Aslanbəyli və Yuxarı Salahlı kəndlərində mavi yanacağın verilişində məhdudiyyətlər yaranıb.

Buna səbəb kimi Qazax-Saquramo qaz boru kəmərində yaranan sızma göstərilir.

Qeyd edək ki, hazırda problemin aradan qaldırılması istiqamətində işlər davam etdirilir.

Sözügedən kəndlərdə ümumilikdə 4 500-dən çox abonent var.