Azərbaycan Böyük Britaniya ilə bu ölkənin İxrac Kreditləşdirmə Agentliyinin (UKEF) dəstəyilə 5 milyard funt sterlinq dəyərində kredit zəmanəti proqramı çərçivəsində ilk sövdələşməni uğurla həyata keçirib.

Bu barədə “Sizinxeber.az”a Böyük Britaniyanın Azərbaycandakı səfirliyindən məlumat verilib.

Diplomatik missiyadan qeyd ediblər ki, “Silk Way West Airlines” aviaşirkəti Böyük Britaniyada müasir “Boeing 777” simulatorunun alınmasının maliyyələşdirməsinə dair sövdələşmə bağlayıb.

"Britaniyanın “L3Harris Commercial Aviation Solutions” şirkətinin istehsal etdiyi trenajor “Boeing 777”nin üç variantını birləşdirən yeni nəsil modeldir və Azərbaycanın Milli Aviasiya Akademiyasının tələbələrinə çox real təlim şəraiti təklif edir. Azərbaycanın strateji mövqeyi, dünya aviasiyasındakı və logistikasındakı rolunun artması sayəsində UKEF çərçivəsində Böyük Britaniya və Azərbaycan arasında gələcək əməkdaşlıq üçün inanılmaz potensial mövcuddur", - səfirlikdən vurğulayıblar.

Oxşar xəbərlər

Starmer: Britaniya nüvə silahlarının modernləşdirilməsinə 15 milyard funt sterlinq sərmayə qoyacaq

Böyük Britaniya Ukraynaya 150 milyon funt-sterlinqlik hərbi yardım ayıracaq

Ukrayna Britaniyadan təxminən 1 milyard dollar alıb

"Silk Way West Airlines" Milli Aviasiya Akademiyasına "Boeing 777" Tam Uçuş Simulyatorunu təhvil verib

Britaniya Ukraynaya Beynəlxalq Yardım Fonduna 1,3 milyard dollardan çox vəsait toplayıb