Böyük Britaniyanın Azərbaycanda qızıl, gümüş və mis hasilatı ilə məşğul olan “Anglo Asian Mining Plc.” (AAM) şirkəti Azərbaycanın Qarabağ iqtisadi rayonunda yerləşən “Dəmirli” mis-molibden yatağında ilk filiz hasilatına başlayıb.

Bu barədə “Sizinxeber.az” şirkətə istinadən xəbər verir.

"Anglo Asian Mining plc” “Dəmirli” mis-molibden yatağının istismara verilməsinin başlanması və ilk hasilat barədə məlumat verir. Yatağın istismara verilməsi davam edir və ilin sonunadək istehsalın artacağı gözlənilir", - məlumatda qeyd olunub.

Şirkət 2025-ci ildə “Dəmirli” yatağında təxminən 4 min ton mis konsentratının istehsal olunacağını proqnozlaşdırır.

"2026-cı ildən etibarən istehsalın ildə təxminən 15 min ton misə qədər artacağı gözlənilir. Yatağın istismar müddəti geoloji model və mineral ehtiyatlar modelinin daha da işlənməsindən sonra müəyyən ediləcək", - məlumatda bildirilib.

Xəbər yenilənir

Oxşar xəbərlər

“Anglo Asian Mining” Qarabağda filiz hasilatına başlamağı planlaşdırır

“Anglo Asian Mining” mayda “Gilar” qızıl yatağında tammiqyaslı hasilata başlamağı planlaşdırır

Dəmirli mis-molibden yatağında bu il istehsala başlanılacaq

Britaniya şirkəti ilk dəfə “Gilar” yatağında filiz hasil edib

“Anglo Asian Mining” 2024-cü ildə qızıl hasilatının həcmini açıqlayıb