Əfqanıstan geostrateji mövqeyindən istifadə edərək Mərkəzi və Cənubi Asiya arasında körpü rolunu oynamağa hazırdır.

"Report"un Şuşaya ezam olunan müxbiri xəbər verir ki, bunu Əfqanıstanın Ticarət və İnvestisiya Palatasının sədri Təvəkkül Əhmədyar 6-cı İqtisadi Əməkdaşlıq Təşkilatı (ECO) biznes forumunda bildirib.

"Bu məqsədə çatmaq siyasi iradə, hüquqi asanlaşdırmalar və hərtərəfli regional dəstək tələb edir", - deyə qonaq qeyd edib.

Onun sözlərinə görə, regional əməkdaşlıq təkcə davamlı iqtisadi artıma töhfə verməyəcək, həm də dost və qonşu ölkələr arasında həmrəyliyi gücləndirəcək: "Əfqanıstanın əməkdaşlığı gücləndirmək üçün bu təklifləri irəli sürür. Birincisi, inkişaf etmiş ölkələrdə investisiya və ticarəti dəstəkləmək üçün birgə regional maliyyə fondları yaradılmalıdır. İkincisi, çoxtərəfli sazişlər vasitəsilə Torxam və Çaman kimi əsas sərhəd keçidlərində gömrük prosedurları təkmilləşdirilməli və tranzit asanlaşdırılmalıdır. Üçüncüsü, üzv dövlətlər arasında daha rahat maliyyə və kommersiya əlaqələrini təmin etmək üçün bank və rəqəmsal infrastrukturu gücləndirilməlidir. Dördüncüsü, nəqliyyat sahəsində xərcləri azaltmaq, təhlükəsizliyi artırmaq və şəffaflığı gücləndirmək üçün Beynəlxalq Yol Nəqliyyatı sistemi tam tətbiq olunmalıdır".

Oxşar xəbərlər

Mikayıl Cabbarov: "Azərbaycan daha güclü regional əməkdaşlıq və inteqrasiyanın təşviqinə sadiqdir"

Türk İnvestisiya Fondu ilk layihələri maliyyələşdirməyə hazırlaşır

Elnur Əliyev: “Azərbaycanın ECO ölkələri ilə ticarət dövriyyəsi 3,5 milyard dollara çatıb”

Nazir müavini: "Azərbaycanın SPECA ölkələri ilə ticarət dövriyyəsinin artırılması üçün potensial var"

Nurlan Baibazarov: "Bakı Bəyannaməsi regionda iqlim maliyyələşdirilməsinə yanaşmanı sürətləndirəcək"