Abşeron Olimpiya Kompleksində Gənclər və İdman Nazirliyi, Azərbaycan Bodibildinq və Fitnes Federasiyasının birgə təşkilatçılığı ilə qol güləşi üzrə böyüklər arasında ölkə çempionatı keçirilib.

FHN-dən Sizinxeber.az-ya verilən xəbərə görə, çempionatda müxtəlif çəki dərəcələri üzrə 200-dən çox idmançı əzmkar mübarizə apararaq öz qüvvəsini sınayıb.

Yarışda iştirak edən FHN-in İdman-sağlamlıq klubunun əməkdaşı mayor Rəşad Kəsəmənli sağ və sol qol üzrə 4 görüş keçirərək bütün rəqiblərinə qalib gələrək qızıl medalın sahibi olub.

Qaliblər Gənclər və İdman Nazirliyinin diplom və Azərbaycan Bodibildinq və Fitnes Federasiyasının medalı ilə mükafatlandırılıblar.

Qeyd edək ki, Rəşad Kəsəmənli qol güləşi üzrə Bakıda keçiriləcək Dünya çempionatına lisenziya qazanıb.

Oxşar xəbərlər

FHN əməkdaşı qol güləşi üzrə gümüş medal qazanıb - FOTO

FHN-in kikboksinq üzrə idmançıları Azərbaycan çempionatında yüksək nəticələr əldə ediblər

FHN-in əməkdaşı atıcılıq yarışında gümüş medal qazanıb

FHN əməkdaşı stolüstü tennis yarışında qızıl medal qazanıb

FHN əməkdaşları idman dırmanması yarışında yüksək nəticələr qazanıb