CENTCOM: İranın Çabahar şəhərindəki limanda müşahidə qülləsi məhv edilib

ABŞ Silahlı Qüvvələri İranın Çabahar şəhərinin limanında müşahidə qülləsini məhv edib.

"Sizinxeber.az" xəbər verir ki, bu barədə ABŞ Silahlı Qüvvələrinin Mərkəzi Komandanlığının (CENTCOM) məlumatında bildirilib.

"İyulun 16-da ABŞ qüvvələri Hörmüz boğazından keçən kommersiya gəmilərini izləmək və hədəfə almaq üçün onilliklər ərzində İslam İnqilabı Keşikçiləri Korpusu (SEPAH) tərəfindən istifadə edilən, İranın Oman körfəzi sahilləri boyu dəniz müşahidə sisteminin bir hissəsi olan Çabahar limanının müşahidə qülləsini uğurla məhv edib. Qüllənin məhv edilməsi SEPAH-ın günahsız mülki heyət üzvlərinə hücumları koordinasiya etmək qabiliyyətini birbaşa azaldır", - məlumatda qeyd olunub.