İran növbəti həftə ABŞ ilə danışıqlar aparılacağı barədə xəbərləri təkzib edib - YENİLƏNİB

İran növbəti həftə ABŞ ilə danışıqların yeni raundu barədə xəbərləri təkzib edərək, KİV-də yayılan müvafiq məlumatları əsassız adlandırıb.

"Sizinxeber.az" xəbər verir ki, bu barədə "Fars" agentliyinə İran hökumətindəki mənbə bildirib.

Onun sözlərinə görə, İslamabadda danışıqlara hazırlığın başa çatması və tərəflər arasında texniki məsləhətləşmələrin davam etdirilməsi barədə xəbərlər təsdiqlənmir.

Mənbə vurğulayıb ki, hər hansı dəyişiklik olacağı təqdirdə danışıqlar prosesinin gedişatı barədə məlumat yalnız İranın rəsmi kanalları vasitəsilə yayılacaq.

20:42

ABŞ və İran arasında danışıqların yeni raundu növbəti həftə gözlənilir.

"Sizinxeber.az" xəbər verir ki, bu barədə "Axios" mənbəyə istinadən məlumat yayıb.

Görüşün keçiriləcəyi yer İsveçrə ola bilər.

Daha əvvəl ABŞ prezidenti Donald Tramp İranla qarşılıqlı anlaşma memorandumunun artıq qüvvədə olmadığını bildirmişdi. Onun sözlərinə görə, ABŞ-nin İran obyektlərinə endirdiyi zərbələrdən sonra Tehranla sonrakı danışıqların heç bir mənası yoxdur.

ABŞ və İran arasında qarşılıqlı anlaşma memorandumu iyunun 17-də imzalanmışdı. Sənəd hərbi əməliyyatların dayandırılmasını və uzunmüddətli sülh sazişinə nail olmaq üçün 60 gün ərzində danışıqların aparılmasını nəzərdə tuturdu.