Konqoda Eboladan ölənlərin sayı 500 nəfəri ötüb

Konqo Demokratik Respublikasında Ebola virusundan ölənlərin sayı 500-ü ötüb.

"Report" xəbər verir ki, bu barədə "ABC News" yerli hakimiyyət orqanlarına istinadən məlumat yayıb.

"Mayın 15-də xəstəliyin yayılması elan edildiyi vaxtdan bəri 1561 yoluxma, o cümlədən 506 ölüm halı qeydə alınıb", - məlumatda bildirilib.

Bununla belə, agentlik qeyd edib ki, bu gün virusla mübarizənin ön cəbhəsində olan işçilər ödənilməyən müavinətlərə və pis əmək şəraitinə görə tətil etməklə hədələyiblər. "Associated Press" yazıb ki, xəstəxana və digər müəssisələrin işçiləri xəstəliyin yayıldığı vaxtdan bəri onlara müavinət ödənilmədiyini və işləmək üçün lazımi materialların olmadığını bildiriblər.

"Virusun yayılması cavab tədbirlərini qabaqlamağa davam edir", - Konqonun Səhiyyə Nazirliyi bazar günü axşam yaydığı son hesabatında vurğulayıb.

Qeyd olunur ki, sonuncu Ebola epidemiyasının yayılmasına səbəb olan Bundibudco virusuna qarşı təsdiqlənmiş peyvəndlərin və ya müalicə üsullarının olmaması mübarizə tədbirlərini çətinləşdirir. Peyvəndi olan və daha çox yayılan Zair virusu son illərdə Konqoda bu xəstəliyin 16 yayılma halının əksəriyyətinə səbəb olub.