Siciliyada Etna vulkanı aktivləşdiyi üçün hava əlaqəsi məhdudlaşdırılıb

Siciliyadakı Kataniya Beynəlxalq Hava Limanı Etna vulkanının püskürməsi səbəbindən reyslərin qəbulunu dayandırıb.

"Sizinxeber.az" xəbər verir ki, bu barədə İtaliya mediası məlumat yayıb.

Məhdudiyyətlərə axşam saatlarında yenidən baxıla biləcəyi qeyd edilir. Hələlik Kataniyadan uçuşlara icazə verilir.

Bildirilib ki, Siciliyanın şərq sahilində, Messina və Kataniya şəhərlərinin yaxınlığında yerləşən vulkan iyunun sonlarında aktivləşib. İtaliyalı alimlərin məlumatına görə, bazar günü səhər saatlarında Etna havaya 1,5 km hündürlüyündə kül püskürüb.