BMT-nin Baş katibi Antonio Quterreş regionda eskalasiyanın güclənməsi fonunda Yaxın Şərqdə genişmiqyaslı münaqişənin bərpa olunması riski olduğunu bildirib.

"Report" "Al Jazeera"ya istinadən xəbər verir ki, o bunu BMT Təhlükəsizlik Şurasının Nyu-Yorkda keçirilən iclasında deyib.

O qeyd edib ki, həftə ərzində regionda hücumların genişlənməsi və vəziyyətin daha da pisləşməsi müşahidə olunur, bu da dərin narahatlıq doğurur, çünki vəziyyət hərbi münaqişənin bərpa olunmasına gətirib çıxara bilər.

"Yaxın Şərqdəki eskalasiya təkcə regiona deyil, həm də ölkə və qitə sərhədlərindən kənara da mənfi təsir göstərir. Bu, siyasi gərginliyin artmasında, əhalinin yerdəyişməsində və təhlükəsizlik təhdidlərində özünü büruzə verir; bazarlarda və ticarət marşrutlarında problemlərə, ərzaq və yanacaq qiymətlərinin kəskin artmasına səbəb olur", - o bildirib.

Oxşar xəbərlər

Quterreş: Livanda eskalasiya BMT TŞ-nin 1701 saylı qətnaməsini sual altına qoyur

BMT Baş katibi: Livanda tərəfləri atəşkəsə çağırırıq

MKİ direktoru: Yaxın həftələrdə İsrail ilə İran arasında eskalasiya riski yüksəkdir

Yaxın Şərqdə gərginlik Rotterdam limanında yubanmalara səbəb olur

BMT Yaxın Şərqdəki münaqişənin deeskalasiyası üçün fəal işləyir