ABŞ-nin İrana qarşı genişmiqyaslı hərbi əməliyyatının bərpası baha başa gələn addım olardı və Hörmüz boğazının uzun müddətə bağlanmasına gətirib çıxara bilərdi.

"Sizinxeber.az" xəbər verir ki, bu barədə ABŞ Prezidenti Donald Tramp "ABC News" telekanalına müsahibəsində bildirib.

"Ən yaxşı dostlarımdan bəziləri yenidən bombardmanlara başlamağımı istəyirlər, lakin onlar başa düşmürlər", - ABŞ lideri məhz kimi nəzərdə tutduğunu dəqiqləşdirmədən qeyd edib.

Onun sözlərinə görə, zərbələrin bərpası ciddi iqtisadi fəsadlara gətirib çıxarardı və Hörmüz boğazı aylarla bağlı qala bilərdi.

Xatırladaq ki, fevralın 28-də ABŞ və İsrail İrana qarşı hərbi əməliyyatlara başlayıb və bir sıra şəhərlərə hava zərbələri endirilib. Həmin gün İranın Ali rəhbəri Əli Xamenei öldürülüb. İran buna cavab olaraq İsrail ərazisinə və Fars körfəzi ölkələrindəki ABŞ hərbi bazalarına hücum edib.

İran, ABŞ və onların müttəfiqləri aprelin 8-nə keçən gecə atəşkəs razılaşmasına nail olublar. Tramp sonradan atəşkəsi qeyri-müəyyən müddətə uzadıb.

Tərəflər münaqişəni həll etmək üçün Pakistanda danışıqlar aparıblar, lakin 11-12 apreldə keçirilən ilk raund heç bir nəticə verməyib.

ABŞ Tehrana təzyiq göstərmək üçün İran limanlarını və Hörmüz boğazından keçidi blokadaya alıb. İran da öz növbəsində Fars körfəzinə gedən gəmilər üçün Hörmüz boğazının bağlandığını elan edib. Regionda dinamik şəkildə dəyişən vəziyyət qlobal enerji böhranına səbəb olub.

Oxşar xəbərlər

Hörmüzdən ABŞ-nin təhdidlərinə baxmayaraq növbəti İran gəmisi keçib

Pezeşkian: Dəniz blokadası İrana qarşı hərbi əməliyyatın davamıdır

Tramp: Saat işləyir və İran tələssə, daha yaxşı olar

Uolts: Tramp lazım gəlsə, İrana qarşı hərbi əməliyyatlara qayıtmağa hazırdır

Tramp: Uranın zənginləşdirilməsindən imtina müqabilində İrana qarşı sanksiyalar yumşaldılmayacaq