Ukrayna ilə Estoniya təhlükəsizlik və müdafiə sahəsində əməkdaşlığın gücləndirilməsi haqqında birgə bəyannamə imzalayıb.

"Report" xəbər verir ki, bu barədə Ukrayna Prezidenti Volodimir Zelenski Estoniyanın Baş naziri Kristen Mixal ilə görüşünün yekunlarına dair sosial şəbəkələrdə məlumat yayıb.

"Bu gün ölkələrimiz həmçinin irəliyə doğru mühüm bir addım adıb: təhlükəsizlik və müdafiə sahəsində əməkdaşlığın möhkəmləndirilməsi haqqında birgə bəyannamə imzalanıb. Sənəd təcrübə mübadiləsi, müdafiə sənayesində və hava hücumundan müdafiə sahəsində əməkdaşlıq kimi qarşılıqlı fəaliyyət istiqamətlərini təsbit edir. Biz həmçinin "Drone Deal" formatında saziş üzərində işi davam etdiririk", - o yazıb.

Zelenski dəstəyə görə Estoniyaya təşəkkür edib və Tallinin PURL proqramına verdiyi töhfəni qeyd edib. O, həmçinin Estoniya tərəfini Ukraynanın hazırkı ehtiyacları barədə məlumatlandırıb.

Danışıqlar zamanı tərəflər Rusiyaya qarşı sanksiya təzyiqinin daha da gücləndirilməsini, eləcə də Ukraynanın Avropa İttifaqına daxil olması perspektivlərini müzakirə ediblər.

Oxşar xəbərlər

Ukrayna və Litva dron sahəsində saziş imzalayıb

Ukrayna və Norveç müdafiə tərəfdaşlığı haqqında bəyannamə imzalayıb - YENİLƏNİB

Zelenski: Ukrayna və Latviya dron sahəsində saziş imzalayıb

Zelenski Makronla HHM sahəsində əməkdaşlığı müzakirə edib

Zelenski: Ukrayna və Niderland birgə silah istehsalına başlayacaq