Norveç Ukrayna üçün dəniz dronlarının hazırlanması və alınmasına 1,2 milyard kron (120 milyon dollardan çox) vəsait ayıracaq.

"Sizinxeber.az" xəbər verir ki, bu barədə Norveç hökumətinin məlumatında bilirilib.

Qeyd olunub ki, Ukraynaya yardım üzrə 2030-cu ilə qədər nəzərdə tutulan "Nansen" proqramı çərçivəsində ayrılan vəsaitlər Norveç və Ukrayna sənayesi tərəfindən istehsal olunan pilotsuz gəmilərin alınmasına yönəldiləcək.

"Norveç dəniz sənayesi dünyanın ən yaxşılarından biridir. Mən şadam ki, bu imkanlar dəniz dronlarını kəşfiyyat, hücum əməliyyatları və Rusiya hücumlarından qorunmaq üçün tətbiq edən Ukraynaya dəstək məqsədilə istifadə edilə bilər", - məlumatda sözləri yer alan Norveç Baş naziri Yonas Qar Störe qeyd edib.

Bu gün Estoniyanın paytaxtı Tallində Ukrayna Prezidenti Volodimir Zelenski və Y.Störe arasında görüş baş tutub.

Qeyd edək ki, iyunun əvvəlində V.Zelenski Norveç hakimiyyətinin Ukraynaya hava hücumundan müdafiə vasitələrinin tədarükündə kömək etməyə razılaşdığını bildirmişdi.

Oxşar xəbərlər

Norveç və Niderland Ukrayna ordusu üçün vəsait ayıracaq

İsveç, Norveç və Danimarka Ukraynaya 486 milyon dollar ayıracaq

Norveç Ukrayna üçün HHM sistemləri və PUA alınmasına 50 milyon avro ayırıb

Norveç PURL mexanizmi vasitəsilə Ukraynaya 174 milyon dollar ayıracaq

Zelenski: Ukrayna və Norveç təhlükəsizliyin möhkəmləndirilməsi üzrə saziş imzalayacaq