Rusiya ordusunun hücumu nəticəsində Ukraynanın Çerniqov, Xarkov, Sumı, Dnepropetrovsk və Zaporojye vilayətləri elektrik enerjisiz qalıb.

"Sizinxeber.az" "İnterfaks-Ukrayna"ya istinadən xəbər verir ki, bu barədə "Ukrenеrqо" milli enerji şirkətindən bildirilib.

Təhlükəsizliklə bağlı vəziyyətin imkan verdiyi yerlərdə qəza-bərpa işlərinə başlanılıb.

Bundan başqa, əlverişsiz hava şəraiti səbəbindən Sumı və Kiyev vilayətlərində 40-dan çox yaşayış məntəqəsi elektrik enerjisiz qalıb. Təmir briqadaları zədələnmiş elektrik ötürmə xətlərinin bərpası ilə məşğuldur.

Sistem operatorunun məlumatına görə, çərşənbə axşamı səhər saatlarında ölkədə elektrik enerjisi istehlakı əvvəlki günlə müqayisədə 3,5 % azalıb. "Ukrenerqo" bunu günəş elektrik stansiyalarının səmərəli işləməsinə kömək edən və enerji sisteminin yükünü azaldan əlverişli hava şəraiti ilə izah edir.

Oxşar xəbərlər

Rusiya Ukraynaya raket hücumu edib, elektrik enerjisi kəsilib

Naxçıvanda ötən ay “yaşıl enerji”nin payı 53 % təşkil edib

Gürcüstanda bu ay ikinci böyük elektrik kəsilməsi qeydə alınıb

Naxçıvanda alternativ enerji istehsalı artıb

Puerto-Rikoda tam kəsintidən sonra elektrik təchizatı bərpa edilib