Oman və İran nümayəndələri danışıqlar apararaq, Hörmüz boğazında gəmiçiliyin azadlığının təmin olunması prinsiplərini müzakirə ediblər.

"Report" xəbər verir ki, bu barədə Omanın xarici siyasət idarəsinin bəyanatında deyilir.

"Omanın Xarici İşlər Nazirliyinin (XİN) rəhbəri Bədr əl-Busaidi və İranın XİN başçısının müavini Kazım Qəribabadinin görüşündən sonra beynəlxalq hüquq normalarına uyğun olaraq Hörmüz boğazından gəmiçilik azadlığını tənzimləyən prinsiplər toplusunu müzakirə etmək üçün Oman və İran nümayəndə heyətlərinin geniş iclası keçirilib", - sənəddə qeyd olunur.

Tərəflər gəmilərin hərəkətinin, ticarətin və təchizat zəncirlərinin təhlükəsizliyinin təmin edilməsinin zəruriliyi barədə fikir mübadiləsi aparıblar.

Qeyd edilir ki, bundan əvvəl əl-Busaidi iranlı həmkarı Abbas Əraqçinin şifahi mesajını ona çatdıran Qəribabadini qəbul edib. Mesaj Pakistanın vasitəçiliyi ilə keçirilən İran-ABŞ danışıqları, eləcə də iki ölkənin Hörmüz boğazından gəmiçilik azadlığını təhlükəsiz və davamlı şəkildə bərpa etmək istəyi ilə bağlı idi.

Oxşar xəbərlər

Bədr əl-Busaidi: Oman Hörmüz boğazında gəmiçiliyin təmin edilməsi üzərində işləyir

Bəqai: İran və Oman tezliklə Hörmüz boğazında gəmiçiliklə bağlı yeni qaydaları müzakirə edəcək

İran XİN: Tehran və Vaşinqton yalnız nüvə dosyesini müzakirə edəcək - YENİLƏNİB 1

Ağ Ev: Oman görüşü ABŞ və İran üçün qarşılıqlı faydalı nəticəyə doğru addım idi

Starmer Oman sultanı ilə İran-ABŞ danışıqlarını müzakirə edib