Rusiya ordusunun Ukrayna ərazisinə genişmiqyaslı hücumu nəticəsində bir sutka ərzində 83 nəfər xəsarət alıb, bir neçə nəfər həlak olub.

"Report" xəbər verir ki, bu barədə Ukrayna Prezidenti Volodimir Zelenski özünün "Telegram" kanalında yazıb.

"Zərbə ağır oldu - 36-sı ballistik olmaqla, müxtəlif tipli 90 raket, 600-dən çox dron buraxılıb. Təəssüf ki, bütün ballistik raketləri vurmaq mümkün olmayıb. Ən çox hədəfə dəymə halı Kiyevdə qeydə alınıb və Rusiya hücumunun əsas hədəfi məhz Kiyev olub. Hazırda məlumdur ki, sutkanın əvvəlindən azı 83 nəfər xəsarət alıb. Təəssüf ki, həlak olanlar da var", - paylaşımda bildirilib.

Onun sözlərinə görə, Rusiya qoşunları Ukraynadakı mülki obyektlərə inadla hücum etməyə davam edir.

"Su təchizatı obyektinə üç Rusiya raketi atılıb, bazar yanıb, onlarla yaşayış binası və bir neçə məktəb zədələnib. Belaya Tserkov şəhəri "Oreşnik"lə hücuma məruz qalıb. Rusiyanın bu əməllərinin nəticəsiz qalmaması vacibdir", - deyə o vurğulayıb.

Oxşar xəbərlər

Dnepropetrovska endirilən zərbələr nəticəsində altı nəfər həlak olub

Rusiya Ukraynanın beş vilayətinə zərbələr endirib: 7 ölü, 47 yaralı var

Rusiya ordusunun Kiyevə hücumu nəticəsində iki nəfər ölüb, 50-dən çox şəxs yaralanıb

Rusiyadan Ukraynaya kütləvi raket hücumu: Ölü və yaralıların sayı artdı - VİDEO

Rusiyanın Kiyevə hücumu nəticəsində beş nəfər həlak olub