ABŞ-nin vitse-prezidenti Cey Di Vens, Tulsi Qabbardın milli kəşfiyyatın direktoru vəzifəsindən istefasından sonra 2028-ci il prezident seçkilərindən çəkilməyi düşünür.

"Sizinxeber.az" xəbər verir ki, bu barədə "Daily Mail" mənbələrə istinadən məlumat yayıb.

Onların məlumatına görə, Qabbard ABŞ prezidenti Donald Trampın hərbi ambisiyalarının qarşısını almaqda Vensin azsaylı müttəfiqlərindən biri olub.

Qeyd olunub ki, vitse-prezidentin yumşaq xarici siyasəti onu Trampla qarşıdurma yoluna qoyub. Vensin təsiri azaldıqca, ABŞ dövlət katibi Marko Rubio Amerika liderinin ətrafındakı xarici siyasətdə dominant səsə çevrilib.

Qəzet Ağ Evdəki mənbəyə istinadən bildirib ki, Rubio Vensdən daha çox səlahiyyətə malikdir: "Prezident onu dinləyir. Vens ümumi mənzərəyə uyğun gəlmir və bu, uzun müddətdir belədir".

Bildirilib ki, Vensin qarşıdan gələn seçkilərdən geri çəkilməsi taktiki bir addım ola bilər və bu, ona son bir neçə ildə baş verən hər şeyə görə məsuliyyəti öz üzərinə götürməkdən yayınmağa imkan verir. Qəzet qeyd edir ki, 2032 və 2036-cı il seçkilərində qalib gəlmək üçün Vensin təxminən on il siyasi təsirini qoruyub saxlaması lazımdır.

Oxşar xəbərlər

Rubio: Vens 2028-ci ildə ABŞ prezidenti postuna namizəd ola bilər

Vens-Orban görüşündə neft müqaviləsinin elan edilməsi nəzərdə tutulur

Rubio, Vens, Vitkoff və Kelloq Zelenski-Trump danışıqlarına qoşulacaqlar

ABŞ-nin vitse-prezidentinin əmisi oğlu Ukrayna ordusunda döyüşüb

Vensin rəhbərlik etdiyi ABŞ nümayəndə heyəti İranla danışıqlar üçün Pakistana yola düşüb