Danimarkada iki qatar toqquşub, onlarla adam xəsarət alıb

Danimarkanın şimalında iki qatar toqquşub, ilkin məlumatlara görə, təxminən 50 nəfər xəsarət alıb.

"Report" xəbər verir ki, bu barədə BT nəşri məlumat yayıb.

Qəza Hillered və Kaqerup şəhərləri arasındakı hissədə baş verib.

Fövqəladə hallar üzrə xidmətlərin əməkdaşları və polis hadisə yerindədir.

Qeyd olunur ki, İsteryodveen və Kaqerup arasındakı yol sahəsi bağlanıb və uzun müddət bağlı qalacağı gözlənilir.