Uşaqların sosial şəbəkələrdə kiberbullinqvə digər neqativ təsirlərə məruz qalma ehtimalı daha çoxdur.

"Report" xəbər verir ki, bunu Səhiyyə Nazirliyinin rəsmisi Aynurə Zeynalova Medianın İnkişafı Agentliyinin (MEDİA) təşkilatçılığı ilə İnzibati Xətalar Məcəlləsində, "İnformasiya, informasiyalaşdırma və informasiyanın mühafizəsi haqqında" və "Uşaqların zərərli informasiyadan qorunması haqqında" qanunlarda dəyişiklik edilməsi barədə qanun layihəsinin ictimai müzakirəsində deyib.

Onun sözlərinə görə, qanun layihəsində əks olunan qadağa uşaqların təhsili və ya vaxtlarının səmərəli keçirmələri ilə bağlı platformalara aid deyil:

"Bu da o deməkdir ki, məktəbdə oxuyan şagird özünün düşüncə tərzinə, psixologiyasına uyğun proqramlardan istifadə edə biləcək. Burada söhbət "TikTok" və digər sosial şəbəkələrdən gedir. Bu platformalarda uşaqların intihara, terrorizmə, kiberbullinqə məruz qalma ehtimalı daha çoxdur. Bu şəbəkələr üzərindən uşaqları nəyəsə vadar eləmək daha asandır".

A.Zeynalova qeyd edib ki, böyük ehtimalla, bu qadağaların əvəzinə müəyyən alternativlər də olacaq. "Həmin alternativlər sayəsində tətbiq olunacaq qadağalar uşaqların psixologiyasına təsir etməyəcək".

Oxşar xəbərlər

Aytən Məmmədova: Layihədə təkcə məhdudiyyətlər deyil, effektiv tənzimləmə vasitələri var

Elmir Vəlizadə: Uşaqların zərərli informasiyadan qorunması cəmiyyət üçün böyük əhəmiyyət daşıyır

Vəfa Yaqublu: Qanun layihəsi məktəbəqədər və ümumi təhsil müəssisələrindəki uşaqları əhatə edir

Gəray Gəraybəyli: Sosial şəbəkələrdən asılılıq uşaqların psixologiyasına ciddi təsir göstərir

Elmir Vəlizadə: Qanunun əsas mahiyyəti uşaqların sosial şəbəkələrdə zərərli təsirlərdən qorunmasından ibarətdir