Bakıda yerləşən yerləşən Kapellhausda "EU4Culture" İncəsənət Festivalının açılışı olub.

"Sizinxeber.az" xəbər verir ki, "EU4Culture" (Avropa İttifaqı Mədəniyyət üçün) layihəsinin kuliminasiya nöqtəsi hesab olunan festival iki gün davam edəcək.

3 dekabr - Beynəlxalq Əlillər Gününə həsr olunan tədbirdə Azərbaycanın və digər ölkələrin rəssam və mədəniyyət nümayəndələri iştirak edirlər.

Tədbirdə çıxış edən Almaniyanın Azərbaycandakı səfiri Ralf Horlemann bildirib ki, Aİ nümayəndələri olara "Avropa İttifaqı Mədəniyyət üçün" layihəsini həyata keçirməkdən olduqca məmnundurlar:

"İnklüzivlik bizim üçün çox önəmli bir məsələdir, ona görə də belə bir gündə bu festivalın açılışını etmək olduqca xoşdur".

Qeyd edək ki, ümumilikdə festivalın məqsədi sosial inkişafda yaradıcılığın rolunu vurğulayan tamaşalar və müzakirələr üçũn unikal platforma təqdim etməkdir. Bu çərçivədə inklüziv çıxışlar və incəsənətin cəmiyyətə təsiri ilə bağlı panel müzakirələr vasitəsilə mədəni, sosial və ətraf-mühit məsələlərinə diqqət çəkmək nəzərdə tutulur.

Oxşar xəbərlər

Bakıda incəsənət festivalı keçirilir

XV Bakı Beynəlxalq Film Festivalının açılış mərasimi baş tutub

"Baku Cinema Breeze" beynəlxalq film festivalının açılışı olub - FOTO

Cahit Bağçı: “COP29 sessiyası Azərbaycan üçün olduqca önəmlidir”

Şəkidə IV Beynəlxalq Teatr Festivalı keçirilir