Fikrət Əmirov adına Gəncə Dövlət Filarmoniyası və Beynəlxalq Muğam Mərkəzinin birgə təşkilatçılığı ilə "Gəncədən Bakıya" layihəsi çərçivəsində "Mahnı və romans" axşamı baş tutub.

Bu barədə APA-ya Gəncə Dövlət Filarmoniyasından məlumat verilib.

Bildirilib ki, gecədə Xalq artisti Sevinc İbrahimova, Əməkdar mədəniyyət işçisi Mehparə Cəfərova, Əməkdar artist Tural Abdullayev, Gəncə Dövlət Filarmoniyasının solistləri Rüstəm Cəfərov, Vasif Bayramov Niyazinin "Vətən nəğməsi", Fikrət Əmirovun "Gülüm", Süleyman Ələsgərovun "Vətənimdir", Vasif Adıgözəlovun "Qərənfil", Ramiz Mustafayevin "Məlahət sultanı" romanslarını, Tofiq Quliyevin "Sevdiyim qız", "Lirik mahnı", Səid Rüstəmovun "Alagöz", Cahangir Cahangirovun "Ana", Sevil Əliyevanın "Qayıt əzizim", Ağabacı Rzayevanın "Könlüm" mahnılarını ifa ediblər.

Sonda Müslüm Maqomayevin "Azərbaycan" mahnısı tamaşaçılar tərəfindən gurultulu alqışlarla qarşılanıb.

Oxşar xəbərlər

Gəncə Dövlət Filarmoniyasında Səid Rüstəmovun mahnılarından ibarət konsert olacaq

Gəncə Dövlət Filarmoniyasının solistləri Naxçıvanda çıxış ediblər - FOTO

"Xalqın mədəni sərvəti" layihəsi Bülbülə həsr olunub

Gəncə Dövlət Filarmoniyası Bakıda konsert proqramı ilə çıxış edib

"Gəncədən Bakıya" layihəsində "Füzuli muğam dünyası" adlı konsert baş tutub - FOTO