Türkiyə hüquq-mühafizə orqanlarının İstanbul şəhərində ötən il Rusiya və Azərbaycandan olan biznesmen E.K. və D.A.-nın bir iqamətgahda zorla saxlanıldığı, Dubaydakı aktivlərinin və 1 milyon dollardan çox kriptovalyutalarının silahla müsadirə edildiyi hadisə ilə bağlı keçirilən əməliyyatında Qazaxıstan və Çeçenistandan olan səkkiz nəfər saxlanılıb.

İşgəncə hadisəsində və müxtəlif yaralama cinayətlərində istifadə edilən silahlar bir ünvanın çardağında və eyni ünvanda paltaryuyan maşının içərisindən götürülüb.

Hadisənin pərdəarxasındakı adın isə Qazaxıstanda cinayət təşkilatının lideri “Dikiy Arman” ləqəbli Arman Cumageldiyev və biznesmenləri iqamətgahına aparan A.J. olduğu müəyyən edilib.

Antalyada qətlə yetirilən “Lotu Quli” ləqəbli Nadir Səlifovun yaxın dostu kimi tanınan “Dikiy Arman”ın daha əvvəl də bəzi kriminal hadisələrdə əli olduğu iddia edilib.

Oxşar xəbərlər

İspaniyada 300-dən çox kiberhücum həyata keçirən qruplaşmanın liderlərindən biri saxlanılıb

Kriminal aləmdə tanınmış şəxsi öldürməyə cəhddə təqsirləndirilənlər hakim qarşısına çıxarılıblar

Cinayət törətməkdə şübhəli bilinən 62 nəfər saxlanılıb

Aleksandr Lapşinin daha bir saxtakarlığı üzə çıxıb

Bağlı qalan 21 cinayətin üstü açılıb - DİN