Milli Gimnastika Arenasında COP29-un müəyyən olunmuş Prezidenti Muxtar Babayevin iştirakı ilə Media Akkreditasiya Mərkəzi ilə tanışlıq olub.

Sizinxeber.az xəbər verir ki, qonaqlara mərkəzin fəaliyyəti və iş qrafiki barədə məlumat verilib.

Bildirilib ki, mərkəzə ilk dəfə daxil olacaq jurnalistlər Akkreditasiya Kartlarının Paylanılması Mərkəzindən müvafiq kartları əldə etdikdən sonra COP29 günlərində fəaliyyətlərini davam etdirə biləcəklər.

Mərkəzlə tanışlıq zamanı akkreditasiya prosesində yarana biləcək "fors-major" halların operativ şəkildə aradan qaldırılması üçün görüləcək tədbirlər barədə də müfəssəl informasiya verilib.

Daha sonra COP29-un müəyyən olunmuş Prezidenti, Azərbaycanın Ekologiya və Təbii Sərvətlər naziri Muxtar Babayevə akkreditasiya kartı təqdim olunub.

Bundan sonra qonaqlar uniformaların paylanılması mərkəzinin fəaliyyəti ilə tanış olub. Bildirilib ki, fəaliyyətin operativ qaydada təşkili üçün bütün lazımi tədbirlər həyata keçirilib. Bunun ardınca müvafiq uniforma və zəruri ləvazimatlar COP29-un müəyyən edilmiş Prezidenti Muxtar Babayevə verilib.

Tanışlıq peosesinin sonunda birgə foto çəkdirilib.

Oxşar xəbərlər

"Formula 1" üzrə Azərbaycan Qran-prisi ilə əlaqədar media akkreditasiya seminarı təşkil olunub

Azərbaycan Akkreditasiya Mərkəzi auditor seçib

"Halal" standartlar üzrə qurumların akkreditasiya tələbləri hazırlanır

COP29 Yaşıl Zona üzrə media akkreditasiyası portalı istifadəyə verilib

Bakıda Pre-COP29 tədbiri başlayıb - FOTO