Azərbaycan Bakı-Supsa kəməri ilə neft ixracını bərpa etmək istəyir

Azərbaycan Bakı-Supsa kəməri ilə neft ixracını bərpa etmək istəyir
Azərbaycan hazırda istismarda olmayan Bakı-Supsa neft kəmərindən istifadə etmək istəyir.
“Report” xəbər verir ki, bunu Prezident İlham Əliyev Gürcüstanın Baş naziri İrakli Qaribaşvili ilə görüşdən sonra mətbuat üçün verdiyi birgə bəyanatda bildirib.
“Bu barədə danışmışıq. Mən bizim planlarımız haqqında baş naziri məlumatlandırdım. Bunun üçün böyük ehtiyac var və böyük potensial var”, – deyə dövlət başçısı qeyd edib.
O, həmçinin əlavə edib ki, gələn il Bakı-Tbilisi-Ceyhan əsas ixrac boru kəməri xətti ilə neft ixracı artırılacaq.