Sizinxeber.az – Azərbaycan Xəbərləri

Maskalılar “Avtoritet”in dəfn mərasiminə basqın etdi

Maskalılar “Avtoritet”in dəfn mərasiminə basqın etdi
6 dəfə Baxılıb
06 İyun 2019 - 11:11

Rusiyanın Sverdlovsk vilayətində ötən gün – iyunun 5-də azərbaycanlı kriminal avtoritet Vaqif Güləhməd oğlu Sultanovun yas mərasiminə xüsusi təyinatlılar basqın edib.
Virtualaz.org Rusiya KİV-lərinə istinadən xəbər verir ki, Vaqif Sultanov ötən gün dəfn olunub və kriminal aləmin çoxsaylı nümayəndələri, habelə regiondakı azərbaycanlı icmasının üzvləri onun “Komfort” kafesində təşkil olunan yas mərasiminə toplaşıblar. Bu vaxt Sverdlovsk vilayəti üzrə Baş Mütəşəkkil Cinayətkarlıqla Mübarizə idarəsinin maskalıları kafeyə basqın edib və 30 kriminal avtoriteti saxlayıb. Saxlanılanlar polis bölməsinə aparılıb.

Rusiya DİN-in Sverdlovsk vilayəti üzrə İdarəsinin mətbuat katibi Valeri Qorelıx deyib ki, yas mərasiminə reyd “profilaktik xarakter daşıyırdı”. Onun sözlərinə görə, reydə “Rosqvardiya”nın xüsusi təyinatlılarının dəsətyi ilə keçirilib.
“Kriminal aləmin nümayəndələri və onların yaxınları bilməlidiri ki, Şimali Uralda bir qüvvə var, o da DİN, FTX, “Rosqvardiya” və İstintaq Komitəsi”-Qorelıx bildirib.
Məlumata görə saxlanılanların bir çoxu artıq buraxılb. Güc strukturlarındakı mənbə deyib ki, üzərlərində silah və qadağan edilmiş pereparatlar aşkar edilməyənlər “profilaktik söhbətdən” sonra buraxılacaqlar.
 

© Sizinxeber.az, 2016—2019Məlumatdan istifadə etdikdə istinad mütləqdir. (055) 501-17-11, [email protected]