Sizinxeber.az – Azərbaycan Xəbərləri

İki məhkəmə hakimi işdən çıxarıldı

İki məhkəmə hakimi işdən çıxarıldı
3 dəfə Baxılıb
15 May 2019 - 16:19

İki məhkəmə hakimi işdən çıxarıldı
Kobud nöqsanlara yol vermiş iki hakim işindən uzaqlaşdırılıb.
Bu barədə bu gün Məhkəmə-Hüquq Şurasının iclasında məlumat verilib.
İclasda qeyd edilib ki, məhkəmələrdə monitorinqlər keçirilərək qeyri-prosessual münasibətlərə şərait yaradan və vətəndaşların haqlı narazılığını doğuran pozuntular yerində dərhal aradan qaldırılıb, daha kobud nöqsanlara yol vermiş iki hakim barədə intizam icraatı başlanılıb.
Şurada qanunvericiliyin tələblərinin kobudcasına pozulmasına və korrupsiyaya şərait yaradan hallara, süründürməçiliyə və digər pozuntulara yol verdiklərinə görə bir sıra hakimlər intizam məsuliyyətinə cəlb edilib, o cümlədən, Tərtər rayon məhkəməsinin hakimi Mübariz Məmmədovun hakimlik səlahiyyətlərinə vaxtından əvvəl xitam verilməsi, Quba rayon məhkəməsinin hakimi Zamin Tahirovun tutduğu vəzifədən azad olunaraq başqa işə keçirilməsi barədə qərarlar qəbul edilib.

© Sizinxeber.az, 2016—2019Məlumatdan istifadə etdikdə istinad mütləqdir. (055) 501-17-11, [email protected]