Sizinxeber.az – Azərbaycan Xəbərləri

Rusiyalı deputat həmkarının addımlarını Moskva ilə Bakının arasını vurmaq cəhdi kimi qiymətləndirib

Rusiyalı deputat həmkarının addımlarını Moskva ilə Bakının arasını vurmaq cəhdi kimi qiymətləndirib
0 dəfə Baxılıb
08 Mart 2019 - 23:37

Rusiya Dövlət Dumasının deputatı, RusiyaAzərbaycan parlamentlərarası dostluq qrupununrəhbəri Dmitri Savelyev həmkarı Konstantin Zatulininaddımlarını Moskva ilə Bakının arasını vurmaq cəhdikimi qiymətləndirib.

Bu barədə D.Savelyev Xocalı qurbanlarının anım yürüşündə rusiyalı millət vəkillərinin iştirakı ilə bağlı açıqlamasında deyib. O bildirib ki, bəzi qəribə hadisələrlə bağlı cənab Zatulinə suallar vermək istərdim. Zatulinin iştirakı ilə Moskvada “Lazarev klubu”nun ikinci iclasında Azərbaycanın işğal olunan ərazisindəki qondarma qurumun — “Artsax respublikasının”  “iqtisadiyyat və istehsalat infrastrukturu naziri”nin klub üzvlərinə təqdim edilməsi hiddət doğurur.

D.Savelyevin sözlərinə görə, bu cür hərəkətlər Dağlıq Qarabağ münaqişəsində Rusiyanın vasitəçilik missiyası ilə bir araya sığmır: “Bunu Azərbaycanın ərazi bütövlüyünü tanıdığı barədə dövlətimizin dəfələrlə verdiyi bəyanatları ilə necə uzlaşdırmaq olar? Bəlkə bu kimi hərəkətlərin məqsədi Rusiya-Ermənistan əməkdaşlığı arxasında gizlənməklə, əslində, Rusiya ilə Azərbaycanın arasını vurmaqdan ibarətdir?”

Xocalı faciəsinin ildönümü ilə bağlı tədbirdə iştirakı barədə danışan deputat bildirib ki, o, Rusiya nümayəndə heyətinin tərkibində “Ümumi gələcəyin qurulması, ümumi keçmişin axtarışı, ümumi bu günün inkişafı” adlı illik konfransda iştirak edib: “Xocalı soyqırımının 27-ci ildönümü ilə bağlı ümumxalq yürüşü keçirildi. Bu, rəsmi tədbirdir. Ölkələrimiz arasında qardaş münasibətlərini daha da gücləndirmək və genişləndirmək üçün əlindən gələni əsirgəməyən Azərbaycan Prezidenti İlham Əliyevlə bu matəm yürüşündə bir sırada addımladığıma görə fəxr edirəm”.

Deputat qeyd edib ki, Rusiya nümayəndə heyəti Xocalı faciəsinin rəmzi olaraq ucaldılmış “Ana harayı” abidəsinə gül çələngi qoyub. O və həmkarları Xocalı faciəsini dəhşətli cinayət kimi qəbul edir, çünki Xocalıda öldürülən hər bir uşaqla birgə Azərbaycan gələcəyinin bir parçası məhv edilib.

D.Savelyevin sözlərinə görə, o da bir çox ekspertlər kimi Xocalı faciəsində soyqırımına aid bütün əlamətlərin olduğunu hesab edir və bu fikirləri istər KİV-də, istərsə də Rusiya Dövlət Dumasında dəfələrlə səsləndirib.

© Sizinxeber.az, 2016—2019Məlumatdan istifadə etdikdə istinad mütləqdir. (055) 501-17-11, [email protected]