Trampın çıxışı zamanı Ağ Ev yaxınlığında atışma olub

ABŞ-ın paytaxtı Vaşinqtonda Ağ Ev yaxınlığında polis əməkdaşlarının iştirakı ilə atışma baş verib.

"NBC News" ABŞ Məxfi Xidmətinə istinadən xəbər verir ki, insident zamanı hüquq-mühafizə orqanlarının əməkdaşları hücum edən şəxsi yaralayıb.

Lakin onun vəziyyəti ilə bağlı dəqiq məlumat açıqlanmayıb.

Hadisə zamanı ərazi dərhal mühasirəyə alınıb, təhlükəsizlik tədbirləri gücləndirilib.

Bir müddət sonra ətraf küçələrdə tətbiq edilən məhdudiyyətlər aradan qaldırılıb.

Qeyd edək ki, insident ABŞ Prezidenti Donald Trampın çıxışı zamanı baş verib.

Rəsmi mənbələr dövlət başçısının təhlükəsiz ərazidə olduğunu bildirib.

Qeyd edilir ki, bu, son bir ay ərzində paytaxtda baş verən ikinci oxşar hadisədir.