Jurnalistlərin binasından ev almaq adı ilə dələduzluq edən şəxsin məhkəməsi

Jurnalistlərin binasından ev almaq adı ilə dələduzluq edən şəxsin məhkəməsi


Dələduzluqda və rüşvət verməkdə ittiham olunan “Zaman Press” qəzetinin baş redaktoru Gündüz Hüseynovun cinayət işi üzrə məhkəmə prosesi keçirilib.
Sizinxeber.Az” xəbər verir ki, bu gün Bakı Ağır Cinayətlər Məhkəməsində hakim Eldar İsmayılovun sədrliyi ilə baş tutan prosesdə şahid qismində Cəlil Quliyev ifadə verib.
O bildirib ki, bacısı qızı Mehriban İmanova ev almaq üçün ondan borc pul alıb:
“Mən də təxminən hissə-hissə ona 2500 manat pul verdim. Başqa işlərdən xəbərim yoxdur, təqsirləndirilən şəxsi tanımıram. Mehribam İmanova mənə dedi ki, bizə jurnalistlərin binasından ev verəcəklər”.
Şahid Zamiq Quliyev zərərçəkmiş Mehriban İmanovanın jurnalistlərə tikilən binadan ev alması üçün ondan pul aldığını deyib.
Digər zərərçəkmiş Natiq Şıxıyev jurnalistlərin binasından ev almaq üçün maşınını sataraq, 23 min manat pulunu Gündüz Hüseynova verdiyini deyib: “Mən qəzetdə işləyirdim, fəaliyyətim olmasa da, vəsiqə verilmişdi. Amma sonradan məni aldatdı. Hər dəfə soruşanda deyirdi ki, jurnalistlərə hələ ev verilməyib”.
Zərərçəkmiş söyləyib ki, Gündüz Hüseynov ona “Zaman press” qəzetinin vəsiqəsini də verib. Amma jurnalist kimi fəaliyyət göstərməyib.
İttihama görə, Gündüz Hüseynov öz içilərinə qarşı dələduzluq edib. O, 200 min manatdan artıq pul almaqda ittiham olunur.
Gündüz Hüseynov Cinayət Məcəlləsinin 178.3.2-ci (külli miqdarda dələduzluq törətmək), 32.4, 312.2-ci (iştirakçılıq, rüşvət vermə, vəzifəli şəxs tərəfindən bilə-bilə qanunsuz hərəkətlər (hərəkətsizlik) etməyə görə ona rüşvət vermə və ya təkrar rüşvət vermə) maddələri ilə ittiham edilir.
Qeyd edək ki, “Zaman Press” qəzeti Mətbuat Şurasının reket qəzetlər siyahısına salınıb.

Baxılıb :1 455
{r-rp} {r-rm}



Digər Xəbərlər
Gündəm
İdman Xəbərləri
Şou-Biznes
Facebook Səhifəmiz
Sizinxeber.Az © 2015-2018 - Bütün Hüquqlar Qorunur. Saytdan götürülən bütün materiallara istinad vacibdir. Created by Sizinxeber.Az