Bu gün yanan Narkoloji Dispanserin TARİXÇƏSİ

Bu gün yanan Narkoloji Dispanserin TARİXÇƏSİ


Bu gün 25 nəfərin ölümü, 3 nəfərin xəsarət alması ilə nəticələnən yanğının baş verdiyi Respublika Narkoloji Dispanserin 32 il qabaq, yəni Azərbaycan Respublikası Səhiyyə Nazirliyinin 20.08.1986-cı il tarixli 269 saylı əmri əsasında yaradılıb.
Sizinxeber.Az” xəbər verir ki, mərkəz əhaliyə ixtisaslaşdırılmış ambulator və stasionar narkoloji xidmət göstərən müalicə-profilaktika müəssisəsi olmaqla yanaşı Azərbaycan Respublikasının ərazisində dövriyyəsi qadağan edilmiş, məhdudlaşdırılmış və nəzarət edilən narkotik vasitələrin və psixotrop maddələrin, habelə Azərbaycan Respublikasının ərazisində idxalına, ixracına, tranzit nəql edilməsinə və istehsalına lisenziya ( xüsusi razılıq) tələb olunan prekursorların dövriyyəsinə nəzarəti həyata keçirən müəssisəsidir.
Respublika Narkoloji Mərkəzi narkoloji xidmət sahəsində dövlət siyasətinin formalaşdırılmasında və həyata keçirilməsində müvafiq işlər görür. Ancaq bu işləri görsə də, xəstələrin müalicə aldıqları korpuslar bərbad vəziyyətdə olub. Bunun bariz nümunəsini yanğın baş verən zaman çəkilən fotolardan da görmək olar. Belə ki, yanğın baş verən korpusun divarları taxtadan olub, dam örtüyü çürüyüb, korpuslar tamam təmirsiz vəziyyətdədir. 
 
Mərkəz "Narkoloji xidmət və nəzarət haqqında”, "Narkotik vasitələrinin, psixotrop maddələrinin və onların prekursorlarının dövriyyəsi haqqında” Azərbaycan Respublikası Qanunu, Nazirlər Kabinetinin qərarları və Səhiyyə Nazirliyi tərəfindən verilmiş müvafiq əmr və sərəncamlar əsasında işini qurur.
Ümumilikdə Mərkəz 200 xəstənin stasionar müalicəsi üçün nəzərdə tutulub. Mərkəzdə aşağıdakı şöbələr fəaliyyət göstərib. 
Qəbul şöbəsi:
I şöbə (70 çarpayı) ;
II şöbə (60 çarpayı)-yanğın baş verən korpus;
III şöbə (10 çarpayı) ;
IV şöbə (35 çarpayı) ;
V şöbə (25 çarpayı) ;
Şüa diaqnostikası şöbəsi.
Klinik laboratoriya:
Fizioterapiya və tibbi bərpa şöbəsi;
Aptek məntəqəsi;
Pedaqoji heyət (psixoloq) ;
Psixoterapiya kabineti;
2 anonim kabinet;
2 sərxoşluq hallarının bütün növlərini təyin edən tibbi müayinə məntəqələri.
Həmçinin cinayət işi aparıldıqda, məsuliyyətə cəlb olunan şəxsin sistematik olaraq spirtli içki və narkotik maddələr qəbul etməsi halda məlumat alınırsa və bu şəxs xroniki alkoqolizm və ya narkomaniyadan əzab çəkməsi haqda şübhələnməyə əsas varsa, məhkəmə narkoloji ekspertiza təyin olunur. Məhkəmə-narkoloji ekspertizanın aparılmasına Azərbaycan Respublikası Səhiyyə Nazirliyi  Respublika Narkoloji Mərkəzində yaradılan xüsusi tibbi komissiyaya tapşırılıb.
Respublika Narkoloji Mərkəzi Azərbaycan Respublikasının ərazisində dövriyyəsi qadağan edilmiş, məhdudlaşdırılmış və nəzarət edilən narkotik vasitələrin və psixotrop maddələrin, habelə Azərbaycan Respublikasının ərazisində idxalına, ixracına, tranzit nəql edilməsinə və istehsalına lisenziya (xüsusi razılıq) tələb olunan prekursorların dövriyyəsinə nəzarəti həyata keçirir.
Respublikada həmçinin aşağıda adı çəkilən dispanserlər fəaliyyət göstərir:
Sumqayıt şəhər Narkoloji Dispanseri, Gəncə şəhər Narkoloji Dispanseri, Lənkəran rayon Narkoloji Xəstəxana, Mingəçevir şəhər Narkoloji Dispanseri, Naxçıvan şəhər Narkoloji Dispanseri.
Hadisə baş verən gün, yəni bu gün Səhiyyə Nazirliyinin yaydığı bir məlumatda maraq doğurdu. Belə ki, 4 korpusdan və 300 çarpayıdan ibarət olacaq Yeni Narkoloji Mərkəz Sabunçu rayonunun ərazisində yerləşəcək. Yeni Narkoloji Mərkəz müayinə və müalicə işini ən yüksək səviyyədə qurmaq üçün ən yeni müasir avadanlıqlarla təchiz edilib. Narkoloji və alkoqolozimdən asılılıqdan müalicə alan insanlar yeni Mərkəzdə müalicəyə davam edəcək. Buna el dilində “toydan sonar nağara” deyilir.
Səhiyyə Nazirliyinin internet səhifəsində belə bir məlumatda yerləşdirilib. Hazırda respublikada 500-dən artıq özəl tibb müəssisəsi və kabineti, eləcə də 2 minə yaxın əczaçılıq müəssisəsi fəaliyyət göstərir. Bu müəssisələrdə əhaliyə tibbi xidmətin göstərilməsi üçün yaradılan şəraitə və bu xidmətin keyfiyyətinə Səhiyyə Nazirliyi daim diqqət yetirir. Ancaq bu günkü yanğın hadisəsi bir daha göstərdi ki, səhiyyə sistemində həm nəzarət, həm də xəstələrə yaradılan şərait baxımından bir çox boşluqlar var.

Baxılıb :975
{r-rp} {r-rm}



Digər Xəbərlər
Gündəm
İdman Xəbərləri
Şou-Biznes
Facebook Səhifəmiz
Sizinxeber.Az © 2015-2018 - Bütün Hüquqlar Qorunur. Saytdan götürülən bütün materiallara istinad vacibdir. Created by Sizinxeber.Az